voce, MARTINA MORETTI
intro, BRUNELLA MORO
“DOPOMEODI’ MI E LA CHIARA VIA DA LA GIGIA”
Te ne cenìa sempro visin a ti,
te ne parecea la marenda
inte chei dopomeodì
che se se catea a dugà,
e calche olta a sbarufà.
Ma dopo zinque minuti
se era ncora amighe per la pel
e se se perdea ia con calche bebèl.
Che goia che avarie de ese ncora là con ti,
inte chei dopomeodi…
E co sion deventade pì grandete
se vegnia da ti a fase consolà,
a contate chel che no se olea dighe
a la mama e al papà.
Ti te era sempre là che te ne spetea,
calche olta sion state noi che se avea desmentegà,
anca se intel cor l amor no lè mai pasà.
Ades che sion grande,
ben, anca ades, sì
se avarie voia de chei dopomeodì
Tante olte pase via
e me vegnarie goia de sonate l campanel,
ma ti no te me verde pì
e no i vegnarà pi chei dopomeodì.
Dio quante robe che te dovarie contà
in chesti ani che l è pasà,
ma ti no te ne responde pì
o fursi son mi, che no son pì bona de sentì.
