********
SE DESMONTEGHEA
Se desmonteghea
Bravi chi che ha avest sta idea
Na granda emozion
Na botha l era proprio tradizion
Val la pena aprofondì con sin de riflesion
Adess l è deventada na festa
S engruma paesani e vilegianti pochi a casa resta
El colpo de coda finale
De na stajon estiva speziale
La dent la è duta sù e dù dapartut
Da olte en montagna senza cognizion soratut
El turismo global
Speron che nogugn se faze pì mal
I tempi I è passai
No l era tante possibilità domai
Se ndea su par ste malghe a vede le proprie vache
Se le stea ben le avea fat o se le era masa strache
Al masimo te podei cjole na puina fresca nte na foia de lavaz encartada
Fursi anca una sfumegada
Te butej en ocjo su en picjol porzel
Cosi coi venia dù te podei dì mi voi chel
Dapò t avei da arlevalo
E con chel cin che restea dei camp engrassalo
I malgher coi venia dù da spes i stentea
Chel che i podea
I se vendea
Par avei en franco par l inver
I pì tropi no i cjapea schei dal govern
Ma che sodisfazion
Lugà nte la val e coi animai fiorii fa la procesion
En bel vede tuti i prati siegai a la perfezion
Stale verte e su la porta i parogn
I animai encora la strada de casa i cognesea
E en sin a la botha el scjap el se descarghea
Fursi dapè del paes valgugn che pì fortuna avest avea
I cenja pronto en botiglion
Salute giuani tes stat valent a la prosima stajon
A chi ani l era pì den pel de miserja
Ma no avei na vaca d invern da molde l era na roba seria
A la sera la val l era iluminada
Tuti coi ferai cargai i l avea pareciada
E semtì la musica del lat
Che tomea du nte secjo pì de valgugn molea dù na dola robe da mat
E la noneta
Pian pianin la slisea polito la so vacheta
Anter dì e not a sera
Dal germal saltea fora el rosare e la scomenzea na preghiera
El ringraziament
Par avei encora entiero par la fameja el sostentament
Che storie
Ma domandeghe a chi pì vecj che i ve conte le so memorie
Se l avè capida
Mi ve l hai en poc spiegada
Sta desmontegada…
*************
